NBA-ah Western conference a star player pahnih Dallas Mavericks guard Luka Doncic leh Phoenix Suns star Kevin Durant te Ningani zing khan an inhliam.
Doncic hi New Orleans Pelicans laka 113-106 a an tlawm tumin a mal veilam a tihnat avangin third quarter-ah lakchhuah a ngai a, a inkhelh zawm leh tawh lo.
A hliam chungchang sawiin, “All-Star chawlh zawha kan inkhelh leh atang khan ka mal ah hian min tibuaitu a awm tawh. Rin aiin a na angreng.” tiin a sawifiah a. Nizan khan MRI neiin a nat zawng hi fiah zawka endik a ni.
West a palina ni mek Phoenix Suns in 132-101 Oklahoma City Thunder an hneh tumin inkhelh dawnah Kevin Durant a inhliam a. A tel ve lo.
Durant hi warm up laia inhliam a ni a, a chawlh hun chhung tur hriat theih a la ni lo. A awm loh hlanin Devin Booker langsar in point 44 a score.