Indian cricket team a bowler rinrawl Jasprit Bumrah chuan kumtawp a ODI World Cup khelh tur thlirlawkin a hnungzang hliam chu New Zealand-ah a zai tir.
Thawhtanni khan Bumrah hi zai niin tun thla tawp thleng New Zealand-ah hian enkawl a ni anga. A inenkawl zel dan tur ruahmannaah chuan August thla khan training pangngai neiin bowling training pangngai nei leh turin BCCI chuan a ruahman.
Bumrah hian nikum September thla hnuah India tan cricket a la khel leh lova, a hnungzang hliam avang hian a awl a. Kumtir khan Sri Lanka an mikhual tumin khelh theih in beisei mahse a hnung hliam bawkin a tibuai leh a ni.
IPL 2023 leh World Test Championship final te a khel thei dawn lo tihna a ni bawk.