North Tura bialtu MLA, Thomas A Sangma chu Ningani khan Meghalaya Legislative Assembly speaker atan thlan a ni.
National People’s Party (NPP) hruaitu, Sangma hi mi dang chuhtu awm lovin thlan tlin a ni.
Sorkar hun hmasaa speaker, United Democratic Party (UDP) hruaitu, Metbah Lyngdoh chu a thlak dawn a ni.
Meghalaya-ah hian NPP leh BJP tang dun sorkar, Meghalaya Democratic Alliance (MDA) hian MLA 45 an nei a. Congress, Trinamool Congress leh Voice of the People Party chu eptu an ni dawn a, MLA 14 an nei thung.
Meghalaya-ah hian assembly bial 60 awma 59 inthlan chu February 27 khan neih a ni a. Vote chhiar hnuah Thawhlehni khan NPP President Conrad K Sangma chu chief minister atan lak luh a ni.
Governor Phagu Chauhan chuan la lutin a rual hian NPP MLA pasarih, UDP MLA pahnih leh BJP leh HSPDP MLA pakhat ve ve chu a cabinet atan Raj Bhavan, Shillong-ah lak luh ve nghal an ni.
Sorkar lak luhnaah hian Prime Minister Narendra Modi, Union Home Minister Amit Shah, BJP President J P Nadda leh Assam Chief Minister leh NEDA convenor Himanta Biswa Sarma te pawh an tel.
NPP atangin Prestone Tynsong leh Sniawbhalang Dhar te chu deputy chief minister an ni ang.