Aizawl: New Delhi-a cham mek, Environment, Forest & Climate Change (EF&CC) Minister TJ Lalnuntluanga’n nimin khan sorkar laipui Environment, Forest & Climate Change Minister Bhupender Yadav chu a pisaah kawmin a department hnuaia hmasawnna hnathawh tur hrang hrang a sawipui.
An inkawmnaah hian TJ Lalnuntluang hian School Nursery Yojona hnuaia school hrang hrang 77 a kalpui tura dilna thlen chungchang te, khawpui (town) 14-a Nagar Van Yojona kalpui tura a dilna te, district zawng zawnga Green India Mission (GIM) kalpui tura ngenna thlen te, Champhai khawpuia protection squad leh Satellite Rescue Center din chungchanga a dilna leh Bethlehem Vengthlanga Forest Research Center for Bamboo & Rattan (FRCBR) hmun hma tihchangtlunna tur chungchang a thlente chu union minister chuan a lo hmuh tawh thu sawiin, a theih anga hma an lo lak nghal tur thu leh a hlawhtlin theihna tura theihtawp chhuah an inhuam thu a lo hrilh.
Financial year thara kalpui theih tura ruahmanna siam an tum thu a lo hrilh bawk.
EF&CC Minister hi RK Singh, IFS, PCCF, Govt of Mizoram chuan a tawiawm a ni.