Burmese grape, Assam tual chhunga Leteku tia an sawi ve thung, Darrang district-a an thar chhuahte chu Dubai-ah thawn chhuah tan a ni.
Burmese grape-te hi Inrinni khan Assam atang hian Dubai-a hralh turin thlawhna hmanga phurh chhuah a ni.
A thawn chhuah hi Agricultural & Processed Food Products Export Development Authority (APEDA)-in buaipuiin LGBI Airport, Guwahati atangin an chhuahpui a, Dubai thlenpui hmain Delhi-ah an chawl kawi ang.
“Burmese grape-te hi India hmarchhakah pawh a tha duh hle tih hriat a ni a. Damdawi lam chi atan pawh hman thin niin a hlu hle a. Heng lai hmuna kan thar chhuahte hi nasa zawka tihpuna ram tam zawka thawn chhuah turin hma lak a ni,” tiin APEDA Chairman M Angamuthu chuan a sawi.
Burmese grape hi hna tla ve ngai lo thing tamna (evergreen forest)-ah chuan eng ang leiah pawh a chin theih a. Tual chhungah pawh senga ei ve mai theih a ni a, rep leh uaiin atan pawha hman theih a ni bawk.
Vun natna enkawlna atan pawh hman thin a ni a. A kung pil, a kung leh a zungte hi tirovin damdawi atana siam tura lak thin a ni.
A rah hi a sawl (oval) a ni a, a rawng hi a eng, senno, a sen leh a dumpawl niin cm 2.5 leh 3.5 inkara lian pakhatah a chi pahnih/thum vel a awm.
Tun hnaiah APEDA hian Assam-a thar chhuah tho, red rice an tih pawh United States-ah a lo thawn tawh bawk.