15th Finance Commission chuan sorkar laipui hnena state panga hnena pawisa (special grant) pe tura a rawt zingah Tripura chu telin Rs Vbc 875 pe turin a rawt.
15th FC-in sorkar laipuia rawtna a thlente hi khualzin lam tihhmasawnna tura pawisa pek tura rawtna a ni a. Tripura hian kum nga lo awm leh tur chhunga pawisa pe tura an dil zat erawh an hmu lo.
Tripura sorkar hian nikuma Dr N K Singh-a kaihhruaia 15th FC-in an state an tlawh tum khan kum 2020-25 chhungin Rs Vbc nuai 1.08 pek dan ngaihtuahsak turin an thlen.
Sorkar laipui hnena heng pawisa an dil hmanga thawh tur an sawi zingah district an neih pasarih khawpuite tihhmasawnna tur te, Mata Tripureswari temple-a ropeway siamna tur leh Neermahal-a light & sound show siamna tur te pawh an tel.
15th FC hian Rs Vbc 400 senga Champaknagar leh Champaicherra-a River Haora check dam siamna tur leh ropeway leh light & sound show siam nan Rs Vbc 175 pe tura rawtna chu sorkar laipuiah a thlen.
FC hian Rs Vbc 125 senna tur, Khowai, Ambassa, Bishramganj, Belonia leh Kailashahar khawpui cheina tur pawh pe turin a rawt.