Assam-a Principal Chief Conservator of Forests (PCCF) leh Head of Forest Force (HoFF) Mahendra Kumar Yadav chu RTI hmanga Tiger Conservation Fund (TCF) a hmang dik lo tih hriat chhuah a nih avangin Chief Wildlife Warden (CWLW) a nihna atangin chawlhtir a ni.
Environment & forests department-in April 1-a hriattirna a chhuahah Sandeep Kumar, principal chief conservator of forests (Wildlife & Bio-diversity) cum project director, Assam project on forest and biodiversity conservation society chuan CWLW nihna hi a chelh rih dawn tih tar lan a ni.
Assam sorkar hian additional chief secretary hnenah sakei venhimna leh hna dang thawh nana sum dahte president hlui, Ram Nath Kovind leh a chhungten nikum February-a Kaziranga an tlawh lai khan hman a ni em tih en zui turin a ti bawk.
Activist, Kaziranga tiger conservation foundation executive committee-a chairman ni bawk, Rohit Choudhury chuan RTI hmanga a zawhnaah Rs. 1,12,60,397 chu Kaziranga tiger conservation foundation tan divisional forest officer cum deputy director, eastern Assam wildlife division, Kaziranga tiger reserve hnenah president hluiin February 26-27, 2022 chhunga a tlawh lai khan pek a ni tih tar lan a ni.
RTI zawhna chhanna atanga a lan dan chuan Kaziranga national park & tiger reserve field director chuan president hluiin a tlawh chhung hian Kaziranga national park authority chuan Rs. 1,64,16,324 hman a ni.
RTI chhannaah, “Principal chief conservator of forests & chief wildlife warden office, Assam-in president hlui tlawh nan hian Rs. 51,97,581 a pe chhuak a, hman loh Rs. 41,653 a awm,” tiin tar lan a ni.
Forest Minister Chandra Mohan Patowary chuan Environment and forests department additional chief secretary Ravi Shankar Prasad hnenah thil fel tawk lo awm nia sawi en fiah tur a ti.