Aizawl : Health Minister Dr. R. Lal- thangliana’n Khawzawl, Saitual leh Hnahthial-ah te Rs. nuai 1,700 theuh senga District Hospital sak a nih tur thu sawiin, bultan thuai a nih a beisei thu a sawi.
Thawhlehni zana Saitual District Hospital atlawhnaah he thu hi Health Minister chuan a sawi a. World bank sum hmanga Chief Medical Officer (CMO) pisa sak mek pawh enfiahin, District Hospital thawktute nen tul leh mamawh te sawiin an inkawm bawk.
Health Minister chu- an thawktu ten a hnena mamawh an thlen hrang hrang – physiotherapy, endoscopy leh ECG khawl tharte chu CSR sum dil an hmuh hunah a ngaihtuahsak tur thu a sawi a. An mamawh hrang hrang te chu ‘requirement’ siama Heal- th & Family Welfare Principal Director hnena thlen turin a rawn bawk a ni.