Baktawng khawtlang chuan Tuikum bialtu MLA Er. Lalrinawma, cabinet minister leh an khaw pa ni bawk chu nimin khan Baktawng Dawrkawnah khawtlang huapin an chawimawi.
He hunah hian Er.Lalrinawma chuan thusawiin a pian leh seilenna khuain ropui taka an chawimawi chu a lawm tak zet tih sawiin, a naupan lai ata khawtlangin an chhungkua an lo chhawmdawl tawhna tinrengah pawh lawmthu a sawi a, tun dinhmun a thlen theih na chhan chu hmangaih taka tawngtaisak thintu leh bial mipuite duhsakna a dawn thin vang a ni tih a sawi bawk.
He hunah hian K. Lalrampara VC member chuan khawtlang aiawhin thu a sawi ve bawk.
Chawimawina inkhawm hman zawhah hian minister hian a MLA fund hmanga siam Futsal Ground hawnna hun a hmang nghal bawk.