Juventus leh Internazionale ten Coppa Italia semifinal first-leg boruak tang tak an khel a. Huntawp dawnah buaina chhuak zuiin 1-1 in an inhnehtawk.
Allianz Stadium-ah Juventus in huntawp dawnah Juan Cuadrado hmangin goal an khung a, Colombian midfielder goal hmangin Juve an chak dawn niin a lang hman.
Nimahsela Belgian striker Romelu Lukaku chuan minute 95-naah penalty atangin an si phurh a sut a. 1-1 in thawh khatna an tawp.
Inter striker Lukaku hi inkhelh laiin Juventus tantuten an au el nasa a, vun rawng indiriamna hmangin an au khum nasa. Goal a khung hnuah Juve fans-te hmaah lawmin kut zaizir in ngawi turin a ti a. Hei vang hian referee in yellow card vawi hnihna pe in hnawhchhuah a ni a. Team pahnih player-te buai zuiin Inter goalkeeper Samir Handanovic leh Juan Cuadrado te hnawhchhuah an ni ve leh bawk.
Inter Milan striker chuan inkhel zawhah, “Thil ngai a thleng leh ta. Kum 2019 khan ka tuar tawh a, 2023-ah pawh a la awm. He infiamna hi mi zawng zawng tana hlimpui theih tur a ni. League lamin tun tumah hian mumal taka hma a lak beisei tawh ang.” a ti.