Indian Premier League champion lai Gujarat Titans in match hnih atang a vawi hnihna atan hnehna an chang a. Delhi Capitals lakah an bowler-ten an hna an tlin viau hnuah Sai Susharsan chuan chakpuiin wicket 6 in hnehna an chang.
Arun Jaitley Stadium-ah Titans tan Indian pace bowler Mohammed Shami leh Afghani leg break bowler Rashid Khan ten wicket thum ve ve an la. West Indies fast bowler Alzarri Joseph chuan wicket hnih a la ve bawk a. Delhi Capitals hian run 162 siamin wicket 8 an hloh.
Capitals bowler Anrich Nortje chuan Titans opener pahnihte run 14 siam a a vawm out ve ve laiin Sai Sudharsan a che tha a. Ball 48 hmachhawnin run 62 a siam a. Vijay Shankar (29) leh David Miller (31) ten a tawp khar thatpui bawkin over 18.1-ah run 163 an siam.