Israeli sipai leh damdawi in chuan West Bank-a an luah lai hmuna inkahna thlengah Israeli hmeichhe pahnih thiin a dangin hliam na tak an tuar bawk tih an sawi.
Hmeichhiate hi car-a chuang niin Jordan Valley-a Hamra-a an inbenbelna bul lawkah kah an ni.
Magen David Adom ambulance service chuan kum 20 bawr vel awm mi hmeichhia pahnih an thi nghal tih an sawi a. Pakhat hi kum 45 mi niin a dinhmun a tha lo hle bawk.
Sipai chuan ‘mifirfiakte hi an umzui nghal’ tih an sawi.
He thil hi Israeli leh Palestinian lirthei insut vanga thleng nia sawi phawt a ni a; mahse, an thlen hnuah Israeli lirtheiah hian silaimu luhna an hmu tih sipai chuan an sawi.
Hliam tuar hi helicopter-in damdawi inah lak nghal a ni.
Israel Police Commissioner Kobi Shabtai chuan Israeli-te chu silai licence neia ralthuam kawl turin a chah.
“He thil hi tualthahna a ni a, mi firfiakte hi kawng chi hrang hrangin an che tih min hrilh nawntu a ni,” a ti.
Kumin kum tir atangin Israel leh Palestinian te inkar hi a chhe hle.
Hel leh civil mi telin Palestinian 90 chuang zet Israeli sipaiten an that tawh a. Zirtawpnia thil thleng hi Palestinian-te tih a nih leh bawk chuan Palestinian-te kutah Israeli 17 leh Ukrainian pakhat, an thi ta bawk tihna a ni.
Zirtawpnia inbeihna thlen mek lai hian Israeli sipaite chuan zankhuain Lebanon leh Gaza Strip-a Palestinian hel pawl, Hamas an kap bawk.