Aizawl : Kolasib Auto Rickshaw Drivers’ Union (KARDU)-in Ningani khan an pa- wl kum 25 tlin champha – Silver Jubilee an lawm a. Kolasib bialtu MLA, Minister ni K. Lalrinliana leh Kolasib Bawrhsap John LT Sanga bakah All Mizoram Auto Rickshaw Owner Association ai- awh ten an telpui.
KARDU hian Silver Jubilee an lawmnaah hian an member chatuan ram pan ta te sunna hun leh an hruaitu hmasate chawimawina hun an hmang a. Bangla Kawn Auto Rickshaw stand-ah Silver Jubilee lungphum an phum bawk.
KARDU-ah hian member 289 awm mek- in, Kolasib district chhungah Auto Rickshaw stand 15 a awm mek a ni.
He hun hmanpuitu Minister K. Lalrinliana chuan KARDU chu lirthei khalha eizawng pawl hrang hrang zingah Kolasib district-a mipui chetvelna atana pawimawh an nih thu sawiin, Silver Jubilee an thleng chu a lawmpui thu a sawi a. An nitin eizawnna chu mipui thleng pha a nih thu leh midang tana malsawnna thlentu ni zel turin a chah.
K Lalrinliana chuan lirthei hmanga eizawng te tan lirthei leh a kaihhnawih dan hriat chiana zawm a pawimawh thu sawiin, midangte pawh a pawimawhna hrilhhretu nih tum turin KARDU member te chu a chah bawk.
Kolasib Bawrhsap John LT Sanga pawhin Silver Jubilee a lawmpui thu sawiin, Kolasib chu state luhkapui a nih avangin Auto-rickshaw khalhtute pawh hawihhawm leh rinawm taka an lirtheite khalh turin a chah a. Nunna hlu tak an kutah a awm tih hriaa an lir- thei tha taka an khalh theihna turin an hri- selna ngaipawimawh turin a chah bawk a ni.