Aizawl : Aizawl South II bialtu MLA Lalchhuanthanga’n Ningani khan ran talhna – rural animal slaughter house, Mualpui Salem Veng ami tlawhin, sa talhna hmun rimchhia leh a thli paih dan te tunhnaiah sawiselna a awm tuh sawiin, hriselna atan pawh himlo nia a lan avangin sorkarin ngaihven rang se a duh thu a sawi.
Lalchhuanthanga chuan ran talhna chhehvela cheng te leh a chhawrtu ten harsatna an tawh mek chu fur ruahtui tlak hma ngeia a tlabal lei apiang thaw- mthat thuai ni se a duh thu a sawi bawk.
Mualpui Salem Venga AH & Vety department enkawl ran talhna hmunah hian thlakatah ran 500-600 vel talh thin anga chhut a ni a, Zirtawpni-ah ran talh tam zualin, ran 70-80 vel talh ziah ang a ni.
Ningania tlawhtu MLA chuan ran talhna thli paihna luankawr mumal taka siam ngai te, effluent treatment plant (ETP) leh separation tanky siam zawh hlim a put avanga hman hleihtheihloha a awm te leh a panna kawng chhia avang te in a chhawrtu ten harsatna an tawk nasa niin a sawi a. Veterinary Officer post pahnih awmah mi pak- hat chauh a awm thu leh hei pawh hi hnawhkhah thuai ni se tha a tih thu a sawi bawk.