Champhai district level committee on Prandhan Mantri matsya sampada yojana (PMMSY)-in Ce- ntrally sponsored sch- eme PMMSY 2022-2023 atanga hamthatna dawng tur thlangin, Sangha khawi tihhmasawnna tura ruahman na duan leh PMMSY kaltlanga 2023-2024 a Champhai district Fis- heries hmalakna tur duan te an pawm.
Sorkar thuchhuahin a tarlan danin, PMM- SY 2022-2023 kaltla- nga hmalakna tur pa- thum hnuaiah Champhai district-ah diltu mi 306 an awm a; heng zinga mi 146 te chu hamthatna dawng tura pawm an ni. Dilna pawmsak zinga mi 80 chu Dil thar siam tur an ni a, Dil awmsaa Sangha no dah lailawk na rearing pond siam tur 38 niin, Leilet buh kara Sangha khawi, paddy cum fish culture hmanga diltu 28 an ni.
PMMSY kaltlangin Champhai district Fis- heries annual action plan 2023-2024 hnuaiah hmalakna tur component 7 duan a ni a, ruahman dan chuan hmalakna tura ruahm- an atanga senso ngai zat Rs. nuai 364.40 a ni a. Cluster based location anga kalpui tum niin, Dil thar Hectare 15-a zau siam nan Rs. nuai 126, Sangha no khawina Hectare 8-a zau siam nan Rs. nuai 56, Sangha leh buh emaw, ran emaw en- kawl kawp nan ram Hectare 25-a zau-ah Rs. nuai 25, Sangha chi thar chhuahna Hatchery 2 siam nan Rs. nuai 50, Freshwater Aquaculture hnuaia hmalak nan Hectare 15-a zauah Rs. nuai 60, Bio Floc Pond 3 siam nan Rs. nuai 22.50 leh Refrigerated vehicle 1 atan Rs. nuai 20 ruahman a ni tih sortkar thuchhuah chuan a tarlang.
PMMSY kalpui turin sorkarin senso zaa 60 leh mimalin za 40 an tum thin a. Sorkar sen tur atanga zaa 90 chu sorkar laipui tum tur niin, zaa 10 state sorkar tum tur a tih a ni.
Fisheries Departme- nt, Champhai-in an chh- inchhiah danin, kum 2021-2022 ah Champhai district-a Sangha khawitu 1380 te enkawl Sangha Dil Hectare 456.35 a zau atangin Sangha Metric Ton 369.64 thar chhuah a ni tih sorkar thuchh- uah chuan a tarlang bawk.