Aizawl FC chuan 2023 Hero Indian Super Cup group stage an khel dawn a. Second qualifying round-ah TRAU chu 1-0 a hnehin an dinhmun an tichiang.
Ningani tlai a Payyanad Stadium a inkhelah hian North East club pahnihte inthlauhna a lian lo. Nimahsela Aizawl FC chu first half-ah team hlauhawm zawk niin TRAU tlarhnung an tihthaih ngun zawk.
Nimahsela tun season a an harsatna ni fo thin hmuh tur a la awm a, goal nawrah a hmawr an bawk tha tawk lo thin.
Minute 64-naah Belarusian striker Ivan Veras chuan Aizawl FC tan hian goal a khung. TRAU hian a tawp thleng awmze nei a han nawr let an harsat a, a phu zawk Aizawl FC an chak.
Aizawl FC hi Group B-ah awmin Hyderabad FC, Odisha FC leh East Bengal te nen group khatah an awm a. An group a sang berin knockout stage an khel ang.
Naktuk tlai dar 5 hian Payyanad Stadium-ah Hyderabad nen an inkhel leh dawn.
Indian Super Cup hi kum 2018 khan khelh niin Federation Cup thlaktu atana tih a ni.