Forbes Billionaire List 2023 tihchhuah ah Jay-Z chu rapper hausa ber a ni ta a, Kanye West erawh Adidas nena an inthen hnu-ah thlauhthlak a ni. Billionair list 2023-a rapper lang awmchhun Jay-Z hausakna leh ropuina hi a zual zel dawn niin a lang bawk.
Tun dinhmuna Jay-Z hausakna pun dan hi $Billion 1.5 atangin $Billion 2.5 ah a kai chho dawrh.
Kanye hausakna a hniam tual tual thung a, Adidas nena an inremna tihtawp khan nasa takin a hnuk hniam. October 2022 khan sportswear company hian social media lama rapper tawng tlahawlh leh Juda huatna nasa tak auchhuapui thin chu a tawk zozaiah ngaiin thawhhona a titawp.
Adidas thupuangtu chuan Kanye tawngkam hman leh khawksak duh dan chu pawm theih loh, inhuatna rawngkai leh hlauhawm tak a nih thu a lo sawi tawh. A awmdan khan company hlutna, mitin tel theihna, inzahtawnna leh lai taka thil a kalpuina zawnag zawng a bawhchhe fai vek a, thawhpui chhunzawm zel theih a ni tawh loh a ti tawbk.
Forbes tarlan danin, Adidas nena an thawhdun lai khan Kanye hian Yeezy brand kalpuiiin, a tifuh hle. A hausakna pawh $Billion 1.5 hial a ni chho hman. Tunah erawh Billionaire list atanga paihchhuah a ni ta.
Hetih lai hian Kanye nupui hlui Kim Kardarshin hi Billionaire list-ah a la awm a, a huasakna tlemin tlahniam dueh mah se, $billion 1.5 vel thutpui renga ngaih tho a ni.