Aizawl : Electronics Corporation of India (ECIL), Hyderabad-in an CSR fund atanga Civil Hospital, Lunglei tana medical hmanraw chi hrang hrang Rs 23,90,100 man an pek chu Ningani khan Lunglei-ah an hlan.
Medical Superintendent Dr. SR. Ngurchamliana’n khum 150 awmna Civil Hospital, Lungleiin Bawrhsap kalchhuak Kulothungan A, thahnemngaihna avanga hmanraw tam tak an neih thu sawiin, a thlaktu tuna Lunglei Bawrhsap Ramdinliani hmalaknaa ICU-a hman tur hmanraw tha tak tak an dawng leh chu lawmawm a tih thu a sawi.
ECIL-in Civil Hospital, Lunglei hnena ICU-a hman tur hmanraw hrang hrang an pek te hi – Automated external defibrillator (AED) – 3; Autoclave (150 litres) – 2; Dressing drum – 4; Glucometer – 10; ABG Machine – 2; ECG machine – 2; Crash carts – 10; Electomotor wheel chair – 10; Fumigator – 3 leh ICU khum – 10 te an ni.