Aizawl : PC party-in an pisa thar tur ‘Brig. T. Sailo Rûn’ sa turin chak takin hma an la zel tih an sawi a. Prty hruaitu ten nimin khan Brig. T. Sailo Rûn sakna tur hmun leh hmalakna kal mêk te an enfiah.
PC party hruaitute chuan Brig. T. Sailo Rûn sa tura an hmalaknaah a bik takin an President Vanlalruata thawhrimna leh hmala- kna an fak a. PC party mi te leh kawng hrang hranga ṭhahnem ngaihpuitute inphalna avang- tein hna pawh a sawt hle nia sawiin, kàrleh lam aṭang chuan a ban phun leh a ruangâm lang thei tura ngawrh taka thapui thawh an tum thu an sawi.
Brig. T. Sailo Rûn-ah hian a duh tan dawr atana luah hawh theih tur engemawzat awm thei tura an ruahman thu PC party hruaitute chuan an sawi a. Tun aṭangin dawr luah duh te tan lo hauh lawk theih tura ruahmanna an siam thu sawiin, a duh tur te chuan tuna an party pisa lailawk, Zaluta building, Venghlui, Treasury squa- re-ah, Building Chairman H. K. Liansawta hnenah ngaihven theih a nih thu an sawi bawk.