Mizo Photographers’ Society (MPS)-in April ni 11, 2023 zan khan Music Home, Zonuam, Aizawlah annual general body meeting neiin, hruaitu thar an thlang a. Kum 2023-2024 a an hruaitu atan – Zoramchhana, Bethsy Lalhlimpuii, H, Lalchhanhima, HT. Hnamtinkhuma, Lalnuntluanga leh R. Laldingzela te an thlang. Hruaitu thar te hian chanvo an insiamrem ang.
MPS hruaitu thar inthlanna hi Mizoram Film Forum lamin an kaihhruai a, MPS Office Bearer nilai te thlan tlin leh vek an ni.
MPS annual general body meeting-ah hian an pawl dan bu ennawn chungchang leh Aizawl pawn lam atanga MPS member ni duh te chungchang bakah an pawl kaihhnawih thu pawimawh tak tak an ngaihtuahho.