BTS star J-Hope chuan thawhlehni khan sipai a zawm ta a, online kaltlangin fan te tan thuchah a hnutchhiah bawk.
Ani hi BTS member zinga sipaia tang pahnihna a ni a, South Korea sorkar dan angin pianphung pangngai mipa kum 18 – 35 inkar te chu thla 18-21 chhung sipaia tan ngei ngei tur tih chu a takin a tihhlawhtling ang.
Nikum December khan Jin chu BTS member zinga sipai tang hmasa ber ni turin a inziaklut tawh a, an thian dangte pawh hian a tah tawlin an zawmchho zui mai a rinawm bawk.
Nikum khan solo project buaipui turin band anga an kal lai chu chawlhsan lailawk a nih tur thu an lo puang tawh a, J-Hope a’n tunhnai khan rapper J Cole nen solo music an tichhuak.
Kum 29 mi hi a lu ziahkawl hmel thar nen Instagram-ah a in pose a, Wonju-a sipai hmunpui pakhata a kal hma in a thiante nen hun hmangin, inthlahna programe an siam chu hlim takin a telpui.
Instagram-a a thalak post hi reilote chhungin like maktaduai riat a kokhawm thei a, fan nuai tam takte’n duhsakna an hlan bakah an thlawp tlat thu an sawichhuak hlawm.