Aizawl : Mizoram tlawha lo zin mek US Consulate General, Kolakata Melinda Pavek leh chief minister Zoramthanga te chu nimin khan CM bungalow-ah an inkawm.
US Consul General chuan Chief Minister hi ei leh bar, zirna leh environment lama Mizoram dinhmun chungchang te, Mizoram hma thlirte, thenawm ram Myanmar leh India inlaichinna te bakah khawchhak atanga ruihtheihthil lo thlengin khawtlang nun a nghawng dan te leh entrepreneurship lama thalaite hmasawnna chungchangte an sawi dun bawk.
Melinda Pavek chuan Mizoramin economy tihhmasawnna tur theihna tha tak a nei chu lawmawm a tih chu a sawi.
Nimin vek khan US Consul General hian Mizoram larsap Hari Babu Kambhampati, Health Minister leh Chief Secretary te a kawm bawk.