AZL: Sinlung Hills Council chuan nimin khan an huam chhung bial 12-a mi harsa, in chung chhe tawh leh in chung khuhna nei lo tan rangva bundle 362 an sem.
Sakawrdai-ah SHC Chief Executive Member (CEM) Lalthlamuana Hmar chuan a sem chhuak a, SHC bial tina council member-ten an bial theuha mi tur dawngin, an sem chhawng ve leh dawn a ni.
Rangva semnaah hian thu sawiin Lalthlamuana Hmar chuan, “SHC hruaituten mipui hmasawnna turin ruahmanna hrang hrang siamin kawng tam takah hmasawnnna kan hmu tawh a; kan la hmu zel dawn a ni,” tia sawiin, SHC huam chhung bial tina mi harsate tana rangva sem theiha an awm chu lawmawm a tih thu a sawi a. Sinlung Hills hmasawnna tur ngaihtuah em emtu Mizoram sorkar hnenah pawh lawmawm a tih thu a sawi bawk.