Aizawl: BJP Mizoram State President Vanlalhmuaka’n Siaha district village council inthlan neih zawh taka BJP-in party mala sorkar an siam thei chu lawmawm a tih thu sawiin, “Siaha mipuiten BJP-a rinna an nghah ngam vang a ni,” a ti.
Nimin khan BJP Mizoram chuan Booth Sasaktikaran meeting an nei a, he hunah thu sawiin Vanlalhmuaka chuan Siaha district VC inthlanna neih zawh takah BJP Mizoram-in Siahaa VC awm zawng zawng 99 atanga VC 42 an siam thei leh VC neih belh mai theihna tur eng emaw zat an nei thei tur chu Siaha mipuiten BJP-a rinna an nghah ngam vang niin a sawi.
Vanlalhmuaka hian, “Siaha-ah hian inthlan hmasa nen a tehkhin phei chuan BJP chuan nasa takin hma kan sawn a, MLA General Election lo awm turah pawh result tha tak kan nei ngei ang tih ka ring a ni,” a ti.