ZPM thalai President Dr. C. Lalrammawia’n “ZPM chu midangte beida- wng tura fuihtu ni lovin, ram rorelna tha zawk nei tura beiseina nei kalkhawm kan ni zawk”, a ti.
ZPM Hachhek thalai intawhkhawm, Kawrtethawveng khuaa Inrinnia neih a hmanpuinaah he thu hi ZPM thalai President chuan a sawi a. Kumina MLA inthlan lo awm tur chu kalphung thar leh kalphung hlui indona nia sawiin, “Kan ralthuam tha ber chu vote a ni a, indona-ah thalai ten tha kan thlah thiang lovang”, tiin ZPM thalai kalkhawm te chu a fuih.
ZPM sorkar tir kawngah mipuite ngaihdan a inang vek tawh niin ZPM thalai President chuan a sawi a. Mipui ten sum thiltihtheihna an kalsan ta- wh nia sawiin, ‘Khawpui leh thingtlâng politics a danglam tawh lo’, a ti.
Dr. C. Lalramma- wia chuan “Politics thiltihtheihna hmanga rahbeha awmte chu ZPM-in a phelh zalên dawn a ni”, tiin, ZPM chuan a hnuai hnungberte dawmkânna politics a buaipui dawn niin a sawi bawk.
ZPM PAC Member TBC Lalvenchhûnga pawhin thusaw- iin, “Mizoramin eiru do ngam party mai ni lovin eiru hrem ngam party a mamawh” a ti a. Politics a luh chilh chhan sawiin, ‘A sawisêltu ni lovin a siamṭhatu ni turin politics ka luh chilh’, a ti bawk a ni.
ZPM Hachhek thalai intawhkhawm hi Secretary, Organisation i/c Mamit district KC Lallianmawia ka- ihruaiin, Zamuang unit President C. Lalramchhana’n hunserh a hmang a. AMC Corporator Christina Ro- luahpuii Sailo bakah, ZPM Gen. Hqrs. Secretary KJ Lalbiakngheta, Vanlalsailo- va leh Jeje Lalpekhlua ten thu an sawi bawk.