Aizawl: Central YMA chuan nimin khan thuchhuah siamin Manipur-a Zohnahthlakten harsatna an tawh mek chungchangah boruak tisosang zawnga hma la lo turin Mizo mipuite ngen.
An thuchhuahah Central YMA hian Manipur buaina avang hian Zohnahthlak sahimna zawnga Mizorama lo lut awm thei reng a nih avangin an unaute lo dawngsawng tura inbuatsaih/inruahman turin Mizo mipuite an ngen a. Manipur buaina avanga ei leh bar, ni tin khawsak mamawh harsatna thleng thei chungchangah mi mal hlawkna ringawt ngaihtuah lo va, Zohnahthlakte awlsamna zawng turin an ngen bawk.
Boruak tisosang zawnga hma la lo tur leh Manipur-a chi leh chi inkara buaina thleng mek chungchangah Mizoram sorkar leh Central YMA hmalakna ngaichang thiam turin Mizo mipuite an ngen a ni.