Aizawl : Champhai district-a bank hrang hrang kaltlanga financial year 2022-2023 March quarter tawp thlenga hmalaknate thlirletin nimin khan District consultative committee (DCC) an thukhawm.
March 2023 quarter chhunga Champhai district-a bank hrang hranga pawisa dahluh leh pekchhuah inthlauh dan khaikhinna credit deposit (CD) ratio chawhrual za-a 66.68 niin, quarter hmasa December 2022 quarter tawpa CD ratio za-a 74.56 aiin za-a 7.88 in tlem mahse, CD ratio tha ni tura hniamlam bituk zat za-a 60 chu a khum tho a ni.
Hemi hun chhung hian bank-ah Rs. nuai 52399.23 dahluh a nih laiin bank-in pawisa a pekchhuah zat Rs. nuai 34942.40 a ni thung a. 2022-2023 financial year tawp thlenga annual cre- dit plan (ACP) hnuaia priority sector atana target 10213 (Rs nuai 214- 46.75) atangin 6168 (Rs nuai 10171.16), za-a 47. 42 tihhlawhtlin a ni a. Non priority sector hnuaia target 159 (Rs nuai 3300) atangin 892 (Rs nuai 5551.53), za-a 168. 19 tihhlawhtlin a ni bawk.
Pradhan Mantri M- udra Yojana (PMMY) kaltlangin Sishu hnuaiah mi 42, Kishore hnuaiah mi 194, Tarun hnuaiah mi 59, Stand up India hnuaiah mi 3, an vaiin mi 298 te hnenah loan Rs. nuai 1248.63 hu pekchhuah a ni a. Financial year 2022-2023 tawp thlenga social security scheme hnuaia inziaklut tawh zat – Pradhan Mantri Jan Dhan Yojana (PMJDY) hnuaiah mi 23520; Pradhan Mantri Jeevan Jyoti Bima Yojana (PMJJBY) hnuaiah inziaklut tawh 14571 awmin, hamthat- na dawng thei tur 42847 atangin inziaklut nawn leh 6418 an awm.
Pradhan Mantri Sur- aksha Bima Yojana (P- MSBY) hnuaiah inziaklut 38367 awmin, ham- thatna dawng thei 55783 atangin inziaklut nawn leh mi 11448 an awm a. Atal Pension Yojana (APY) hnuaiah 1041 an inziaklut tawh bawk.
Hemi hun chhung vek hian priority sector hnuaiah non performing assets (NPA) Rs. nuai 2968.04 (13.84%) leh non priority sector hnuaiah NPA Rs. nuai 245.89 (1.74%) a awm.
Financial year 2022-2023 March quarter tawp thlengin Champhai district-ah bank branch hrang hrang 18 a awm a, Public sector bank 5, Private sector 5, Regional rural bank 7 leh State cooperative bank 1 te bakah ATM 9, Business correspondent 10, CSP 1 leh IPPB hnuaia banking touch point 21 te a awm bawk a ni.