Aizawl : CYMA hruaitu ten nimin khan Bilkhawthlir North leh South VC huamchhunga Manipur atanga raltlante awmna relief camp an tlawh a, Bilkhawthlir South relief camp-ah Rs, 10,000 pein, Kharzawla relief camp tan Rs.15,000 an pek bakah Kolasib Sub-Hqrs YMA kutah raltlan te tana buhfai bag 100 leina tur an hlan bawk.
CYMA Asst. Secreta- ry Lalsawmliana’n CYM-A-in raltlan zawng zawng an tlawh theih rih loh thu leh relief camp a awm te tlawh chhuah an tum chu inthen darha tlawh zel an tum thu a sawi a. Manipur Zofa harsatna tawkte an tawrhpui thu sawiin, kha- wtlang tana hnawksaka awmlo tur leh khawtlang tan mi tangkai ni tura an beisei thu hrilhin, harsatna an nei a nih chuan theihtawp an chhuah zel tur thu a hrilh bawk.
Kharzawl YMA hruaitu ten an sawi danin, Bilkhawthlirah tun thla ni 9 atang khan Manipur atangin raltlan an lut tan a. Kharzawl relief camp-ah chhungkaw 12, member 44 an awm mek a, Relief camp-a awm lo chhungte bel chhungkaw 13 member 68 an awm. Bilkhaw- thlir South relief camp-ah 37 an awm mek a, chhungte bela awm mi 18 an awm mek bawk a ni.