Bollywood superstar Shah Rukh Khan film thar ber leh Hollywood superstar Tom Cruise-a film thar tihchhuah turah inang tak tak hmuh a ni a, ‘Mission Impossible 7’ hian ‘Pathaan’ film-a scene thenkhat a ‘copy’ ni awma sawi hian mi beng a verh.
SRK film hit tak, ‘Pathaan’ hian box office lamah hun rei tak ro a rel tawh kha a ni a, sum a hmuhchhuah zat ni se, namai lo tak a ni.
Tunah Tom Cruise film thar, ‘Mission Impossible Dead Reckoning Part One’ trailer tihchhuah a ni ta a, fan te chuan SRK ‘Pathaan’ film-a an hmuh action sequence thahnem tak chu hetah hian an hmu ta mai si a, an han khaikhin a, inang tak tak a lo awm bawk si a, social media lamah an vawrhchhuak nasa hle.
Mission Impossible trailer-ah hian film hmas lam ang bawkin Tom Cruise hian stunt pui tak tak a phochhuak a, thihna nena hlam khat maia inhlat ni mai tur stunt pui rem rem zingah hian Indian fan te mit la nghal a, an khaikhin chat a awm.
Hetah hian Rel chetsualna rapthlak tak laka a talchhuahnaa Tom Cruise inlan dan leh Pathaan-a SRK-a’n heti ang deuh thoa a talchhuahna chu inang tak a lo ni lehzel a, thil dang pawh thur chhuah tur an nei.
Engpawhnise, Mission: Impossible Dead Reckoning Part One hi July 12, 2023 hian tlangzarh tum a ni.