Association of Mizoram Football Licenced Coaches (AMFLC) General Body Meeting chuan May ni 20, 2023 (Inrinni) khan KV Multipurpose, Duetlangah neih a ni a, sawmbik te leh Coach Licence nei an kal țhahnem hle.
Khuallian Er H. Duhkima, Director Project Management unit (JJM) PHE Dept. Chuan kan tih theih tawkah ke kan pen ve bek bek a, AMFLC Meeting-a an sawm avanga lawmawm a tih thu sawiin kan awmna apianga hmasawn kan duh țheuh avangin hmasawnna erawh kairual se, coach te pawh kan kalna kawngah mahni inzir peih a țul thu sawiin tu pawhin kan mamawh Tui kan humhalh a, kan renchem thiam leh kan khawlkhawm thiam a țul thu a sawi bawk.
He hun hi Pu Dany Lalduhawma, President (AMFLC) chuan kaihruaiin Coches Licensed Pass thar E License-ah mi 36 leh D License-ah mi 16 lawmluhna hun hman a ni a, Member boral Vanrotluanga (Vra) leh Niky Malsawmtluanga suna hun hman a ni zui bawk.
Pu Tochhawng Lalremruata, Excutive Committee member (AMFLC) chuan Bible Habakuka 3:17-19 achhiar a, kan kawng zawh zawng zawngah Pathian rinchhan a pawimawh zia sawiin țawngțaina a hmang.
Samson Ramengmawi, General Secretary (AMFLC) chuan AMFLC hruaitu te inhmelhriattirna anei a, member 145 an awm mek thu leh member thar tan membership fee Rs 500/- pek angaih thu sawiin member nisa tan Anual fee kum tin an pek țhin anih thu a sawi. A Licence nei mek pahnih (2) bakah B Licence nei mi sawmpahnih (11) an awm mek thu leh Licenced Conduct thei D-ah pakhat leh E-pahnih an awm thu sawiin AMFLC te hi Sorkarah an inziah luh thu a sawi tel bawk.
Pawl kalphung chungchang sawiin article sawmpanga (15) a awm thu sawiin, sawifiah ngai te a sawifiah a, Dan an neih te hi pawl țhatna tur atan leh felfai zawka pawl a kal zel theihna atan a hman a ni a, ham țhatna a awm pawh a pawl kaltlanga tangkai zawk a, hman anih zel theihna tura kalphung duan anih thu a sawi bawk.
S. Malsawmtluanga, Treasurer (AMFLC) chuan sum dinhmun report pe in sum hmuhna hi membership fee leh Anual fee bakah mi inpe te hnen atanga an hmuh țhin thu sawiin pawi hmanna chu General Body Meeting senso atan te leh member boral te, ral nan leh Lawmpuina a tan te hman anih țhin thu a sawi bawk.
Chawhnuah Rorel Inkhawm neih a ni a, Pu Dany Lalduhawma, President (AMFLC) hruaina hnuiah rorel a ni. Pu Samson Ramengmawi, General Secretary (AMFLC) chuan thulut te a sawifiah hnuah hetiang hian thu lut te rel a ni.
- MFA leh DFA Tournament sangber neihah Licensed Holder nei chauh hman ni rawh se tih chu a rel a, DFA zawng zawngah lehkha pek nirawh se tiin a rel bawk.
2.Distric tinah hruaitu pahnih tal dah chhunzawm zel ni rawh se tih chu kaldan ngai anih angin kalpui zui zel nise, Distric Excutive Committee te rawn chungin Office Bearer ten lo ngaihtuah mai se an ti a, Constitution pawh siam țhat nise an ti.
- MFA-ah Coaches tam zawk an awm theih nan Coaching Corse atam thei angber buatsaih tura lehkha oek niae an ti.
Samson Ramengmawi, General Secretary (AMFLC) hruaina hnuaiah Season kjat chhunga Coach hlawhtling te chawimawina mi pasarih Lalsangzuala Hmar, Chawnpui FC, H Lalnunzira, Mizoram Team, C Vanlalchhuanga, Mizoram Police, GoalKeeping, Lalbiaksanga Colney, Mizoram Police, Zosangliana Ralte, Mizoram Police FC, HC Zarzoliana, Mizoram Team leh R Lalnunsangi, SYS A te hnenah Momento hlan an ni.