Aizawl: Law Minister TJ Lalnuntluanga chuan a bial, Champhai South huam chhunga HSCL leh HSSLC result chhuaka hlawhtlinna chang tharte hnenah lawmpui na dictionary a hlan.
Thawhlehni khan law minister hian Champhai thlengin a bial chhung khaw hrang hrangte chu Tuipui khua atanga fang tanin kumina HSLC pass tharte hnenah JF Laldailova Dictionary a pe a, HSSLC pass tharte lawmpui nan Oxford Dictionary a hlan bawk.
Minister TJ Lalnuntluanga hian zirlaite tana zirna kailawn rahbi pawimawh tak, pawl 10 leh pawl 12 pass tharte chu thinlung taka a lawmpui thu leh zirlaite chu Mizoram mellung pawimawh, ram leh hnam tana mi pawimawh leh innghahna, khawtlang, kohhran leh ram hruaitu la ni tur an nih avangin a ngaih pawimawh thu a sawi.
Minister a nih tirh atangin TJ Lalnuntluanga hian a bial chhunga HSLC leh HSSLC pass tharte reng reng chu an chenna inah tlawh chhuak thinin pass tharte lawmpui nan dictionary a pek vek thin bakah duhsakna chibai a buk thin a ni.
Champhai South bialtu MLA hian nimin chawhnu khan Chhungte khuaa MLA fund leh ni 100 inhlawhna (MGNREGS) kaltlanga futsal ground siam mek chu tlawhin an hnathawhte a enpui nghal bawk.