Mizoram sawrkar chuan Kolkata a Mizoram house hlun ber Old ballygunce ami chu pawisa tam tham takin a zuar mek a. Hemi thu ah hian ngaihdan chi hrang hrang a tam a. A thenin a uiawm lutuk e, hetiang hmun hlu neih leh mai mai theih loh tur hralh hi a dik lo an ti a. Mi thenkhat ve thungin a building sak a san theih si loh chuan a dawng hlawk lo lutuk a. Kan mamawh phuhruk zo lo na na na chu tihral a. Building sang zawk leh dawng hlawk zawk lei leh mai hi a finthlak zawk ti pawl an awm bawk. A dik ve ve tho mai.
Amaherawhchu sawrkar meuhin engatinge a inhralh ral zawnga ke a pen tak tih hi ngaihtuah tel a tha khawp mai. Mizoram house kan neihah te hian kan leng lo a, kan mamawh an phuhruk zo lo tih kan sawrkar hotute hian an hmu reng a, chumi sutkian nan chuan he ram hi hralh kher lo hian hmun dangah chuan ruahmanna chu siam tho sela a tha mai lo em ni? Mizote hi kan la inzarpharh tam dawn chauh a. Mangan nikhua a belh tur hi mamawhna a zual tulh tulh dawn a. Kan sawrkar hian a mipuite manganna phuhruk hi a din chhan a ni a. Kan retheih avangin vairamah hotel man toah kan thleng phâk lova. House kan bel lo thei lo a ni. Kan sawrkar kalta te atang Mizoram house kan lo nei thin hi chu a lawmawm ngawt mai.
Kan society hi inpawlkhawm let let chi hnam kan ni a. Vai rama mizo awmte pawh hian inpawlkhawmna leh chhiat thata an belh ber chu Mizoram house hi a ni a. Hnam dangte aiin house hi kan mamawh bik a ni.
Hetiang hi kan nih avangin kan sawrkar hian a inhralh zawng ni lovin, a hranpa house lei dan hi zawng vat mai se kan mamawh ber chu a nih hmel. Sum leh pai hi chu thil neih thar dawn chuan mamawh a ni hrim hrim a. Mipuite mamawh na na na chu sawrkar ve riang ruang chuan a ngaihtuah thei tur alawm. Kan duhna lamah chuan a thlawna sem pawh kan sawimawi ngar ngar a. Kan sem bawk a. Khawi atanga sem nge tih lam an ngaihtuah ngai lem lo. Mipui mamawh a ni e an tih chu mipui mamawh a ni mai. SEDP a pawisa sem tur a awm theih laia kan mamawh em em Mizoram house leia sakna tur pawh an nei thei ngei ang. A pawimawh ber chu a inhralh ral zawng ni lovin, a neih belhna tur hi kan sawrkar hian zawng teh se.