Aizawl South II bialtu MLA Lalchhuanthanga’n rei tak hluihlawn tawh, Lungli – Sikulpuikawn step siam chu Inrinni khan a hawng.
Mission veng huamchhunga step thui tak, Lungli – Sikulpuikawn step rei tak hluihlawn tawh chu Mission Veng Local Council inthlan dawnin ZPM Local Council a din chuan he step hi tih tlang tura intiamna a awm thu bialtu MLA chuan a sawi a. An intiamna angin Mission Veng Local Council-in step tha takin an siam zo ta niin a sawi.
Bialtu MLA Lalchhuanthanga chuan MLA fund beitham tak hmanga a bial chhungah hna tha tak tak thawh thin a nih thu sawiin, lawmawm a tih thu a sawi a. “Pawisa hi a nihna ang taka hman a nih chuan hna tha tak thawh theihna a nih zia Mission Veng Local Council hnathawh hian a tarlang a ni”, a ti bawk.