MPCC Treasurer Dr Lalmalsawma Nghaka chuan Congress manifesto pakhatna, ‘Tang Puihna’ hmangin mellung thar an phun dawn tih a sawi.
Inrinni zing khan MPCC Campaign Committee ruahmannain Congress Thalai Hqrs chuan Aizawl Tennis Court bulah ‘That loh theih lohna sorkar tha, kalphung dik nei tura beihpui thlakna Street Campaign 2023’ bul an tan a. Campaign-ah hian Dr Lalmalsawma Nghaka hian Congress party-in ‘Tang puihna’ policy hmangin mellung thar an phun dawn a. ‘Kan ti ang’ an tih chu tihlawhtling thin an nih angin dikna leh rinawmna hmanga Mizoram tungding leh turin Congress party chuan kumin kum tawpa MLA inthlanpuiah hnenah an chan ngei dawn niin a sawi.
MPCC Street Campaign 2023 bul tannaah hian Mizoram Pradesh Mahila President Vanlalawmpuii Chawngthu leh AMC Corporator Rosiamngheta pawhin thu an sawi.
Congress party hian a tul ang zelin street campaign hi hmun hrang hrangah neih chho zel an tum a ni.