Mizoram election department chuan Tripura-a inbengbel tawh Bru vote nei hming 4,083 a paih tawh a, hming la paih loh, hmabak awm zawngte chu June 15, 2023 hma ngeia paih zo tura hmalak a ni dawn.
Central YMA hruaitute chuan nimin khan Chief Election Officer (CEO) Madhup Vyas chu a pisaah hmuin Tripura-a inbengbel tawh Bru-te roll atanga paih chungchang an sawipui.
He an inkawmnaah hian CEO chuan Mizoram Electoral Roll atangin Bru voter 4,083 paih an nih tawh thu sawiin Election Commission of India (ECI) ten ruahmanna an siampui angin Mizoram Roll-a la chuangte chu June 15, 2023 hma ngeia paih an nih theih nan DEO Mamit, Kolasib leh Lunglei te hma la tura a lo hriattir tawh thu Central YMA hruaitute hi a hrilh.
Central YMA hruaitute chuan DEO, Mamit, Kolasib leh Lunglei-te pawh thahnemngai taka hma la tur leh hun tiam chhunga inching fel ngei turin a beisei tlat a ni.
Nimina CEO hmutute hi Central YMA Vice President Lalhmachhuana’n a ho a ni.