Ni li awh tur Horticulture Fair chu nimin khan Dy. Chief Minister Tawnluia’n Aijal Club Park-ah a hawng a. District tina kuthnathawktu hnathawk tha thlanchhuah pakhat theuh hnenah ‘Best Horticulture Farmer’ lawmman a hlan bawk.
Dy. Chief Minister chuan kuthnathawktute leh Horticulture department chu Mizoramin ei leh bara hmasawnna a neih theihna tura thawktu pawimawh an nih thu sawiin, hmalakna tur ruahmanna an siamah uluk taka ngaihtuahna seng turin a chah a. State pawn atanga he huna tel tura sawmte chu fair neih leh hunah pawh lo tel zel turin a sawm nghal.
Tawnluia chuan “kuthnathawktute chu hnam rohlu an ni” tiin, an thawhrimnate fak- awm a tih thu a sawi a. Mizoram hmasawnna sulsutu pawimawh tak an ni tih inhre reng turin a chah.
Mizoramin thar chhuah tam tak a neih thu sawiin, Tawnluia chuan Mizo thar leh kutchhuak te chu ngai- hlua, leisak fo turin Zoram mipuite a ngen a, vawikhat tal he fair tlawh turin Mizo mi- puite a sawm bawk.
Dy. Chief Minister chuan kuthnathawktute hmakhaw ngaiin sor- karin theihtawp a chh- uah nia sawiin, SEDP-ah pawh sum tam tak dah a nih thu a sawi a. “Hlawhtlinna chang turin taima taka thawh a tul” tiin, kuthnath- awktute chu thawkrim turin a chah a, an thaw- hrimnate a thlawn loh na tura tanpui leh dawm- kang turin sorkar department-an awm reng thu a sawi bawk a ni.
Horticulture Fair-ah hian state pawn atangin Mau atanga thil siam zuar thinte sawm niin, stall nei thei pali – Beyond Terry Towels, Maharashtra, Bamboo and Cane Development Institute (BCDI), Agartala, Tripura, National Institute of Design (NID) Bengaluru leh North East Cane and Bamboo Development Council (NECBDC), Burnihat, Assam-te an tel.