Premier League club Nottingham Forest chuan player paruk an chhuahtir zingah England midfielder thin Jesse Lingard a tel.
Lingard hian nikum nipui khan Forest hi free transfer in a zawm a, an hnenah kum khat contract a ziak.
Tun season liamta khan an tan vawi 20 inkhelin a contract hi pawhseisak loh club lamin an thlang.
The City Ground-ah Lingard hi season chawhma lamah inkhel ngun mahse kuminah Premier League football minute 60 chhung chauh a khel a ni.
Ani rual hian Keylor Navas, Dean Henderson leh Renan Lodi te pawhin an loan hun a zawh avangin club an chhuahsan tawh.
Andre Ayew, Cafu, Jack Colback, Jordan Smith leh Lyle Taylor te chu contract hmang zo a club chhuahsan dangte an ni ve bawk.
Hetihlai hian Serge Aurier chu kum khat contract pawhseisak a ni a. Loan a an hawh striker Chris Wood pawh an lei nghet dawn.