Indian railway minister chuan Odisha-a rel chetsualna thleng chu signal buai vanga thleng niin a sawi a, ‘electronic interlocking hmanga thlak’ chu a chhan ni thei niin a sawi.
Ashwini Vaishnaw chuan Zirtawpni zana rel pathum insut khawmna thlenga mawhphurtute chu hriat an ni tawh tih a sawi a, a bak a sawi zui thui lo thung.
Railway Board chuan signal pek theih loh lam aiin ‘tihsual a awm’ nia a lan thu an sawi.
Tun kum zabi-a India-a rel chetsualna rapthlak ber hi a chhan dik tak erawh la hriat chian zui tur a ni ang.
Thi zat chu mi 275 an ni tih sawi a ni a, a hma aia tlemin ruang tlem azawng chhiar nawn palh a lo awm niin thuneituten an sawi.
Hliam tuar mi 1,175 chu damdawi inah lak an ni a, an zinga 793 chu chhuah leh tawh an ni a. Mi thenkhatin an chhungte chin la hre lovin an la ngaihven mek bawk.
Rel kal velah hian signal hi electronic interlocking system an tih hmangin rel tinin an kawng zawh tur ruahman fel vek a ni a, hei hi rel kal vel intawh buai a awm lohna tur a ni.
Mihring phurin bungraw phur rel sua a kawng a zawh sual hi a kawng pangngaia a tlan laia a sir kawng nena inzawmna (loop track) a zawh hnua thleng a ni a. A kawng zawh sual pindan tlu thenkhat chu a bul chiaha mihring phur rel kalna kawngah tlu telin anmahni ep zawnga zawhtuin a su ta a ni.
Pathiannia thuthar lakhawmtute a kawmnaah Railway Board hotu, Jaya Verma Sinha chuan mihring phur rel pahnihte hian a him tih entirna, green signal zuiin Balasore district station an pan ve ve niin a sawi a. A hnu reilo teah an tlan dan tur pangngai anga chakin darkar khata km 130-a chakin an tlan tih a sawi.
Rel pahnihte hi kawngpui ber (main line)-a tha taka inpel mai tur an nih laiin Coromandel Express hian thir phur rel chu loop line zawhin a su ta niin a sawi a. A engine leh a pindan thenkhat chu bungraw rit tak phur chungah a let ta niin a sawi.
Mihring phur zawk hi a tuar na zawk niin bungraw phur hi chuan engmah kawng zawh sual a nei lo va, a che lo bawk tiha sawi.
Howrah Superfast Express-in a bul chiahah anmahni tawk zawkin a tlan a, a pindan hnung lam pahnih chu kawng zawh sual tawh Coromandel Express hian a su tel ve ta tih a sawi.
Verma Sinha-i hian ‘electronic interlocking system tha lo’ engmah hmuh a nih loh thu leh chhuinaah chuan ‘signal pek dan buai’ a awm zawk nia a lan thu a sawi.
“Kan chhui hnuah mihring tihsual nge, thleng palh nge, khaw awm dan zir loh nge, khawl lam fel lo tih chu hriat a ni ang,” a ti.