Aizawl : G20 summit denchhena Pachhunga Un-iversity College-a Mizo department buatsaih, ni hnih awh tur ‘Khuarel leh Thu leh Hla Inkungkaihna: Mizo Thlirna aṭangin’ (Ecocriticism and Environmental Studies : A Mizo Perspective) tih chu nimin khan Forest Minister TJ Lalnuntluanga’n a hawng.
TJ Lalnuntluanga chuan thu leh hla leh environment humhalh chu a lo inkungkaih thuk hle tih sawiin, “thing leh mau, nungcha leh thil siam mawina leh an ṭangkaina te hi thu leh hla thiam ten an lo phochhuak ṭha hle a ni”, a ti a. Mizo hla phuahtu hmasa ten Mizoram mawina te, lui leh tlang, thing leh mau leh nungcha chungchang an lo tarlante kha a hlu takzet a. Tunlai hunah hian khatianga infuihna thu tha kha kan la mamawh reng a ni”, a ti.
Thing leh mau, nungchate humhalh turin sorkar pawhin a theih ang anga hma a lak mek thu TJ Lalnuntluanga chuan a sawi a. Luipui kam humhalh turin project lian tak kalpui mek a nih thu a sawi. G20 summit thupui – One Earth, One Family, One Future tih chuan khawvel mih-r ingte hi chhungkaw pakhat, mamawh leh harsatna in ang tlang an nih thu a tarlang nia sawiin, “he thupuiin a tum pawimawh tak zinga mi chu khawvel lum zel (Global Warming) ti ziaawm tura tan lak a ni” a ti bawk.
Seminar Secretary Remlalthlamuanpuia report-a a lan danin, Mizoram pawn aṭangin Re- rource person pathum an tel a, Aizawl pawn aṭangin pathum, Aizawl chhung aṭangin 13 an tel thei a. An zingah hian professor 3, Associate Professor 4, Assistant Professor 9 leh Resea- rch Scholar 3 an tel a ni.