‘Thing Phun ila, i enkawl zui ang u’ tih thupui hmangin nimin khan Mizoram pumah Green Mizoram Day hman a ni a, Zoram Medical College-ah pawh he ni puala hun hman niin Prof. F.Lalnunmawia, Aizawl South III bialtu MLA-in a hmanpui a. ZMC Academic Block-a inkhawm tawi hman zawhah Environment, Forest & Climate Change Department-in thing tiak 70 a pek chu ZMC ram chhungah hmun hrang hrangah an phun nghal.