Aizawl: Social Welfare Minister Er. Lalrinawma’n nimin khan ATI Auditorium Aizawl-ah hleilenna tuar hmeichhiate venhimna leh chhawmdawlna tur, Mission Shakti a khuh hawng.
Social Welfare minister chuan sorkar laipuiin hmeichhe dinhmun a ngaih pawimawh em avangin scheme tha tak tak kalpui mek a nih thu sawiin, “Tuna Mission Shakti pawh hian hmeichhiaten hleilenna an tawrhna lakah nasa takin venhimna leh chhawmdawlna a pe dawn,” a ti.
Minister chuan Mission Shakti program hlawhtlinna atan hian department hruaitu leh staff-te chu theihtawp chhuah turin a fuih a. Hmeichhiaten an chanvo chang thei tura dawmkan leh rahbi siamsak mi tin mawh a nih thu a sawi bawk.
Mission Shakti khuh hawnna inkhawmah hian a pawimawhna leh Mizoram chhunga kalpui dan turte tar lan a ni a, tun hnaia HSSLC result chhuaka hmeichhe topper-te lawmpuina thuziak hlan an ni bawk.
Mission Shakti hnuaiah hian State Hub for Empowerment of Women (SHEW) chu state level-ah awmin sistrict tinah District Hub for Empowerment of Women (DHEW) an awm a ni.