Aizawl: Kumin MLA inthlanpui lo awm tura Lawngtlai East biala ZPM candidate turin Dr Lorrain Lalpekliana Chinzah chu ruat a ni.
Nimina ZPM party Nomination Committee thukhawm chuan kumin MLA inthlanpui lo awm tura Hnahthial, Lunglei leh Lawngtlai district-a assembly constituency pakuaa an party candidate tur an ruat fel.
ZPM party candidate turte chu South Tuipui bialah Jeje Lalpekhlua Fanai, Lunglei North-ah V Malsawmtluanga, Lunglei East-ah Lalrinpuii, Lunglei West-ah T. Lalhlimpuia, Lunglei South-ah Lalramliana (Papua), Thorang bial-ah C Lalnunnema, West Tuipui ah Kawlhnuna, Lawngtlai West-ah Lalnunsema leh Lawngtlai East-ah Dr Lorrain Lalpekliana Chinzah te an ni.
ZPM party tana Tuichhak bial candidate tur inpawhna nasa tak karah, Lai Autonomouse District Council (LADC)-a Lawngtlai Chandmary bial atanga independent-a MDC thlan tlin, Dr Lorrain Lalpekliana Chinzah chu ruat a ni ta zawk a. He bial-a candidate turin Alinery Lianhlawng thawm pawh a ring hman hle.