Mizoram Board of School Education (MBSE) leh Social Welfare & Tribal Affairs Deptt. tangkawpin high school-a mitdel zirlaite hman tur Braille textbook an buatsaih chu nimin khan an sem chhuak.
Mitdel te hman tur zirlaibu sem chhuahnaah hian Special Blind School, Durtlang leh Integrated School, Kolasib te an tel a. He hun hi MBSE Chairman JH Zoremtha- nga’n kaihhruaiin, Persons with Disabilities (PwD) Commissioner Vanlaldiki Sailo bakah MBSE officer ten an telpui bawk.
MBSE Secretary Sarah Lalengzami Pachuau-in mitdel zirlaibu an buatsaih dan te sawiin, National Institute for Empowerment of Persons with Visual Disabilities (NIEPVD), Dehradun an thawhpui dan te chipchiar takin a sawi a. Tuntuma braille textbook an sem chu Tribal Art Centre, Tanhril-a Braille Press, Social Welfare & Tribal Affairs hnuaia print vek a nih thu a sawi.
MBSE chuan academic session (2023-24) kal mek atan zirlai zinga mitdel awm zat hre turin Special Blind School, Durtlang leh Integrated School, Kolasib-ah te an zirlai neih zat a zawta, hemi rual hian mit lama harsatna nei, lehkhabu pangngai chhiar theilo (low vision student) awm zat pawh district tina DEO-te hnen atanga lakkhawmin, an ni tan hian large font print textbook buatsaih a tum bawk.