India chuan Covid-19 vaccine chu dose tluklehdingawn 2.5 chuang a pe chhuak ta.
Health ministry chuan darkar 24 liam ta chhungin dose nuai 34.84 chuang pek leh hman a nih thu a sawi.
Invenna damdawi dose pek zinga 31% dawn chuan dose hnihin an dawng kim tawh a, darkar 24 chhung pawhin mi nuai 3.80 chuang hnenah dose hnihna hi pek leh a ni.
Health ministry chuan dose vaibelchhe 4 chuang chu kum 18 leh 44 inkarte hnena pek a ni a. An zinga mi nuai 19 chuang chuan darkar 24 chhung khan dose khatna an la a, nuai 1.15 chuangin dose kimin an la bawk tih a sawi.
Ministry chuan thalai zinga mi nuai 10 chuang hnenah invenna pek tawhna hi Bihar, Delhi, Gujarat, Haryana, Karnataka, Maharashtra, Madhya Pradesh, Rajasthan, Tamil Nadu, Telangana, Uttar Pradesh, Odisha leh West Bengal a nih thu a sawi.