Inter Miami chuan Jordi Alba lakluh theih dan an dap a, MLS lamah a kal duh ang em tih an ngaihven. Mahse Alba lakluh hi an tan a awlsam dawn lova, a chhan chu Atletico Madrid, Inter Milan leh Saudi Arabia club te pawhin an ngaihven.
Kum 34 mi Alba hian Barcelona-ah a contract titawp turin inremna an nei a, kum khat la nei mahse tun nipuiah a chhuak dawn.
Alba hian a kal lehna turah thutlukna a la siam lova, UEFA Nations League khel tur Spain squad-ah a tel avangin Nations League zawh lamah chauh a hma hun a tichiang thei ang.
Inter Miami hian Lionel Messi an lakluh tur thu an puan hnuah Barcelona midfielder Sergio Busquets an umzui leh bawk niin an sawi mek.
Hetihlai hian nakkumah European Championships khelh a nih dawn avang leh a nupui in thla tharah an fa pathumna a neih dawn avangin thenkhatin Europe a cham zel a la thlan an ring thung.