Lok Janshakti Party (LJP) hruaitu, Chirag Paswan chuan nimin khan Lok Sabha Speaker Om Birla hnenah lehkha thawnin rorelna in hniam zawka an party leader nihna thlak ringawt chu an party dan kalh tiin amah chu a la ni reng tih a hrilh.
Lok Sabha-a an party leader atanga an chawlhtir tak hi Pashupati Kumar Paras chuan thlak turin party lam chuan an ti a, hei hi a pawm thei lo va, an party chhunga inthenna awm vang niin a sawi.
“Lok Jan Shakti Party danpuia Article 26-naah chuan Parliamentary Board chauhvin Lok Sabha-a party leader tur hi a ruat thei a. Pu Pashupati Kumar Paras, MP ruat a ni hi kan partu danpui kalh a ni,” a ti.
LJP hruaitu hian a lamtang MP panga pawhin party-in a suspend tih ziakin, “Lok Sabha member hi kan party national executive member atangin paih tawh an ni,” tiin a lehkhaah hian suspend-na lehkha a pe tel.
Thawhlehnia an thutkhawm hnuah LJP hruaitu, Raju Tiwari chuan Paswan hi party phatsanah puhin a nihna an hlihsak tih a sawi.