Nimin chhun khan Chhimluang bulah truck leh bike insuin bike khalhtu, kumtlinglo chu a hmunah a thi.
Thudawn danin, Bilkhawthlir pan bike leh Vairengte lam pan truck chu Chhimluang chhak, Sual tlenfaina bulah an insu a, bike khalhtu, Samuel Vanlalhmachhuana s/o Lalhriatpuii, New Serchhip chu a hmunah a thi a, a mi phurh, Lalchhuanmawia, Vairengte II VC Secretary ni lai chuan hliam a tuar a, Bilkhawthlir damdawi in panpui a nih hnuah Kolasib-ah refer a ni.
Samuel-a hi Vairengtea a zin lai niin Lalchhuanmawia nen hian Bilkhawthlirah futsal khel tura kal tum an ni a. Truck hi hnam dang khalh niin a khalhtu hi a tlanbo nia hriat a ni.