Aizawl Mayor Lalrinenga Sailo chuan nimin khan AMC Office, Thuampui a Local Council House a hawng.
LC House hi local council member-ten AMC Office an dawr huna a tul apiang an inbuatsaihna tur leh an chawlh hahdamna tur te, an mamawhte pawh an thawh nghal theihna tura ruahman a ni.
A hawngtu, Aizawl Mayor chuan LC hi municipal dangah a awm ve ngai loh thu leh Aizawl kalphung hi a special thu a sawi a. LC House chu tihchangtlun zel a nih tur thu a sawi bakah LC-te nena lehkha a indawrna leh hmalakna hrang hrangte pawh online-a hmalak chhoh a tha tih thu a sawi bawk.
Inkhawm tawi neih hi Municipal Commissioner Er. Lalhriatpuia’n a kaihruai a, Aizawl City Local Council Association President H. Malsawma pawhin thu a sawi a ni.