Mizoram Rajya Sabha MP K Vanlalvena chuan Mizoram leh Myanmar inrina, Zorinpuiah Border Trade Centre din thuai a tul thu Union External Affairs Secretary (East) Saurabh Kumar hnenah a thlen.
Zirtawpni khan K Vanlalvena hian Kumar chu New Delhi-a a pisaah kawmin KMMTTP Road laih mek te, Mizoram leh Myanmar inrinna, Zorinpuiah Border Trade Centre din thuai tul thu a thlen bakah Zorinpui leh Paletwa inkar lirthei kawngpui sial lai mek chu leilaih hna pangngai zawh a ni tawh te a hrilh a, lirthei kawngpui tlang hnuah chauh Border Trade Centre din a nih chuan a building sak chhung nen hmasawnna a tihkhawtlai theih thu hrilh a ni.
Union External Affairs Secretary pawhin KMTTP kawng laihnaah hian harsatna chi hrang hrang avangin hna thawh chak a harsat thu leh tunah erawh chuan hna a tluan viau tawh thu te a lo sawi ve bawk.