Ni nga chhung awh Muaythai Association of Mizoram hnuaia Instructor Training Certificate Course chu Inrinni khan zawh fel a ni a, training chhuakte certificate hlan an ni.
Muaythai Instructor training hi Edenthar YMA Hall-a Muaythai Training Centre tharah neih a ni a, Kru Lalhlimpuia kaihhruaina hnuaiah training hi mi parukin an zo fel a, an awmna veng leh khua theuhah club dintharin Muaythai zir duhte hnenah training an pe chhawng leh dawn.
He hun hmanpuitu Muaythai Association President Brian Lalnunhlima chuan, ” Training-na tur hmunhma tha nei mumal lo pawhin world class player kan chherchhuak thei a, hei hian hmunhma tha aiin player theihna leh thiamna phochhuak thei turin taimak a pawimawh zawk tih a entir a ni” a ti.
Muaythai President chuan, ” Instructor Training Certificate Course hi kan buatsaih chho reng dawn a, hei hi kum 2024-a LPS Pro Muaythai neih leh tura kan inbuatsaihna pakhat a ni” tiin training chhuakte chu an awmna veng leh khua theuhah thahnemngai taka player-te training pe zel turin a fuih.
Muaythai Instructor Certificate Course zir chhuakte –
- Lalruatkima, Saitual
- Benjamin Zonunsanga, Luangmual, Aizawl
- Lalngaihawma, Hunthar, Aizawl
- Rony Lalchhuansanga, College Veng, Kolasib
- Lalrinhlua, College Veng, Kolasib
- George Lalmuanawma, Chawnpui, Aizawl